БАҰ

2025 жылдың 9 сәуір күні облыстық балалар жасөспірімдер туризмі және экология орталығының «Самал» туристік лагерінде Орал қалалық ардагерлер кеңесінің төрағасы Мынатаубик Тауфикұлы Әнесов бастаған ардагерлер 30 түп терек отырғызды.

Аға буын, зейнеткерлер мен еңбек ардагерлері жастарға қоршаған ортаға құрметпен қарау құндылықтарын дарыта отырып, «Таза Қазақстан – Таза Аймақ» жалпыұлттық акциясын қолдауға және 2025 жылы табиғатты қорғау акциясын жалғастыруға бастама көтерген болатын. Бұл ақпан айындағы Үндеуін қолдауға мұрындық болған Ақжайық ауданы ардагерлерінің бастауыш ұйымы болды (төрағасы Сағынаев Жанат). Сенбілікке Ақжайық ауданының құрметті азаматтары Нәсіпқали Қайрхомұлы, Кереев Әленғали белсене қатысып алғыстары мен баталарын берді. Алдағы уақытта да тазалық пен көгалдандыру жұмыстары жалғасады, бұл экологиялық тазалықты сақтап, қаламызды көркейту үшін жасалған тағы бір қадам деп санаймыз.