БАҰ

"Таза Қазақстан" республикалық экологиялық акциясының үшінші аптасы аяқталды.

Мемлекет басшысы Қ.Қ. Тоқаев атап өткендей, "бұл бір реттік науқан емес, мұндай жұмыс үнемі жүргізіліп тұруы тиіс. Біз өз қалаларымыз бен ауылдарымызды тиісті жағдайға келтіруіміз керек. Бұл біздің жалпы азаматтық мәдениетіміздің көрсеткіші, тіпті ұлттың көрсеткіші". Осы акция аясында Орал қаласының қоғамдық ұйымдары, оның ішінде ардагерлер, Қазақстан халқының бірлігі күні сенбілікке белсене қатысты. Ел Президенті су тасқынынан зардап шеккен үйлерді қалпына келтіру және зардап шеккен азаматтарды қалыпты өмірге қайтару бойынша тағы бір міндет қойды. Орал қаласында және облыстың алты ауданында су тасқыны салдарынан мыңнан астам үй бүлінген, оның төрт жүзден астамы жарамсыз деп танылған. Қазіргі уақытта БҚО-да осы тұрғын үйлерді қалпына келтіру бойынша шаралар қабылдануда. Сондай-ақ, төтенше жағдайға байланысты "Ақжайық" қорына қаражат жинау жалғасуда, 28 наурыз бен 1 мамыр аралығында шотқа 202 млн 990 мың тенге қаражат түсті. Су тасқынынан зардап шеккендерге қаржылай және материалдық көмек жинау жалғасуда. Су тасқынынан зардап шеккендердің барлығына тезірек қалыпты өмірге оралуын тілейміз!