БАҰ

Қысылтаяң сәтте бауырларымызға қол ұшын берейік, осылай бірлігімізді көрсетейік, ағайын!

21 сәуірдегі жағдай бойынша облыс пен Орал қаласында су тасқынының екінші толқыны қаупі сақталуда. Әлеуметтік желілерден көріп отырғанымыздай, көптеген облыстар мен республикалардағы қандастарымыз су тасқынынан зардап шеккен батысқазақстандықтарға жан-жақты көмек пен қолдау көрсетуде. Қалалық кәсіпкерлеріміз де шет қалмайды, солардың бірі «Мария Ханым» Модель үйінің негізін қалаушы Мария Хуспанова. Мария Хуспанова – облысымыздағы тұңғыш шебер сәнгер, оның отбасылық кәсібі ұлттық дәстүрді жаңғыртумен байланысты, Бір айта кетерлігі, 2024 жылы облыс басшылығының тапсырысымен «Наурызнама» ұлттық жобасы аясында Орал қаласында балалар мен ересектерге арналған ұлттық киімдер көрмесін ұйымдастырып, сәтті өткен болатын. Бүгінде ол да шет қалмай, су тасқынынан зардап шеккен азаматтарға қаржылай қолдау көрсетті. Мектептер мен мәдениет ошақтарына гуманитарлық көмек беріп, 25 мектеп және ұлттық киімдер, сонымен қатар «Мария Ханум» сән салонынан көптеген жаңа киімдер мен бұйымдар әкелді.